Ano ang Network

Ano ang Network?

Ang Network ay kilala bilang isang daan ng koneksyon sa makabagong panahon ngayon. Ito rin  ang naging batayan ng bawat koneksyon na magagawa natin upang  maibabahagi natin ang  impormasyon sa iba at matuto sila sa mga naibahagi nating impormasyon at para makakuha ng isang bagay na maaari nilang magamit tulad ng mga software at anumang
mga files.Ang network ay umunlad sa nakalipas na ilang taon mula sa wired connections  papuntang wireless, at walang duda na ito ay mas uunlad sa mga susunod na panahon.

Mga Uri ng Network

1.    Personal Area Network- ito ay madalas gamitin sa bahay, ang network na ito ay koneksyon sa pagitan ng kompyuter at isa pang gadget tulad ng isang telepono o modem.

2.    Local Area Network(LAN)- ito ay  ginagamit para sa mga grupo ng mga computer na may koneksyon. Ito ay karaniwan sa maliit na opisina at mga internet cafes. Ito ay kung saan ang lahat ay maaaring magbahagi ng mga files, at kilala din na isang mahusay na paraan upang kumonekta sa pagitan ng mga computer sa tuwing gusto nilang ibahagi ang koneksyon sa internet, o sa tuwing gusto nilang maglaro bilang grupo.

3.    Metropolitan Area Network(MAN)- ito ay mas malaking version ng LAN dahil sakop nito ang isang syudad. Mas malaking server ang kinakailangan dito.

4.    Wireless Local Area Network (WLAN)

Tulad ng LAN, ang WLAN ay gumagana sa pamamagitan ng wireless network technology tulad ng wifi. Ang network na ito ay hindi na kailangan ng pisikal na cable wire para kumonekta sa network.

5.    Campus Area Network (CAN)

Ito ay mas malaki sa LANs pero mas maliit sa MANs. Ito ay network na ginagamit sa mga universities or campuses.

6.    Wide Area Network (WAN)- Ang WAN ay kayang magkonekta ng mga computers kahit na malalayo ang distansya nito. Pinahihintulutan nito ang mga computer at mga devices na makakonekta sa isang malaking network kahit na magkakalayo ang mga ito.

7.    Storage-Area Network (SAN)

Ito ay isang network kung saan nagkokonekta ng shared pools of storage. Ang SAN ay hindi nakadepende sa LAN o WAN, sa halip ay may sarili itong high-performance network.

8.    Enterprise Private Network (EPN)

Ito ay isang network kung saan ginawa para sa mga pansariling negosyo na gustong  magkaroon ng seguridad na  mapagkonekta ang kanilang mga impormasyon at lakasyon sa isang shared computer resources

9.    Virtual Private Network (VPN)

Ang VPN ay nagpapahintulot sa mga users na magpagdala at tumanggap ng impormasyon  na parang sila ay nakakonekta sa isang pribadong network. Ang users ay pwedeng ma-access ang private network ng patago.

Ano ang HTTP/HTTPS?

Ang HTTP (daglat ng Hypertext Transfer Protocol) ay isang application protocol na ginagamit sa pakikipagpalitan ng datos. Karaniwan itong ginagamit upang makita ang isang web page.

Maliban sa gamit upang makita ang isang web page, maaari ding mag-input ng datos upang maipadala sa isang server upang ito ay mai-save.

Pinapahintulutan din nito ang users na makapagpalitan ng impormasyon sa world wide web.

·         Ang terminong HTTP ay likha ni Ted Nelson

Ang HTTPS naman ay secured version ng HTTP. Ang HTTPS ay ginagamit upang protektahan ang mga data na ipinapadala sa web. Ito ay ang default na protokol para sa pagsasagawa ng mga pinansyal na transaksyon sa web, at maaaring protektahan ang mga gumagamit ng isang website mula sa   censorhip ng isang pamahalaan.

Ano ang FTP?

Ang File Transfer Protocol (FTP) ay ang karaniwang network protocol na ginamit para sa pagpapadala ng mga file sa computer sa  pagitan ng client at server sa isang computer network.

Gamit ang FTP, ang client ay maaring magupload, magdownload, magdelete, magrename, magmove at magcopy files sa server.kung minsan, ang users ay kinakailangan maglog-in sa isang FTP server, samantalang ang iba naman ay hindi na kailangan pa.

Ano ang SMTP?

Ang SMTP o Short for Simple Mail Transfer Protocol, ay isang protocol kung saan ito ay ginagamit para sa pagpapadala ng mga e-mailsa pagitan ng mga servers. Karamihan sa mga email systems ngayon na nagpapadala ng mga mensahe sa internet ay gumagamit ng smtp para makapagpadala ng mensahe sa server papunta sa iba pang server.

Ano ang POP3?

Ang POP3 o  Protocol ng Post Office ay nagpapahintulot sa isang email client upang i-download ang isang email mula sa isang server ng email. Ang POP3 protocol ay simple at hindi nag-aalok ng maraming mga features maliban sa mga pag-download. Dinisenyo ito  para maidownload ng email client ang mga available na email sa server, magdelete at magdisconnect.

Ano ang IMAP?

IMAP o Internet Message Access Protocol.Ito ay isang protocol na may pagkakatulad sa POP3. Pinahihintulutan din nito ang email client na mai-download ang email sa server. Kumpara sa POP3, mas maraming features ang IMAP. Ito ay dinisenyo para maitago ang email sa server.Ito ay nangangailangan ng maraming disk space at cpu resources dahil ang mga email ay naka-save sa email server.