Maria Evangelista Carpena - "Nightingale of Zarzuela"

Si Maria Evangelista Carpena ay isinilang noong October 22, 1886 sa bayan ng Santa Rosa Laguna. Isa sya sa walong anak nila Camilo Carpena at Maria Evangelista.   Sinasabing siya ang unang babaeng nakapag-record ng kanta sa Pilipinas. Nagsimula siyang kumanta sa simbahan ng Santa Rosa bilang soprano.

Kinse anyos pa lamang si Maria Evangelista Carpena  ng una siyang magtanghal para sa isang concert sa Zorilla Theater. Siya ay nadiskubre ni Severino Reyes ng siya ay kumanta sa Simbahan.

Siya ay ikinasal kay Jose Alcantara at noong 1904, siya ay nabalo sa edad na labing walo .Dahil sa angking galing sa larangan ng pagkanta at tunay nga namang kamangha-mangha ang kanyang talento, siya ang binansagang  “Nightingale of Zarzuela”.  Noong Marso 8, 1915, siya ay binawian ng buhay dahil sa komplikasyon sa operasyon dahil sa appendicitis.

Narito ang isang tula tungkol kay Maria Evangelista Carpena bilang pagpupugay sa kanyang talento sa larangan ng pagkanta. Ito ay para sa “Nightingale of Zarzuela”

Nightingale of  Zarzuela

ni Bel Francis Buccat

Isang tanyag na mang-aawit at mahusay sa entablado

Ang nakilala at hinangaan ng maraming Pilipino

Ang kanyang talento at abilidad ay nalinang ng husto

Na isang kayamanang maipagmamalaking totoo.

Mula sa bayan ng Santa Rosa, lalawigan ng Laguna

Pinalaking isang huwaran ng butihing ama at ina

Siya’y laging umaawit sa okasyon bilang soloista

Sa tuwing iyong maririnig ay mamamangha kang talaga.

Dumating ang pagkakataon nag-iba ang tibok ng puso

At umibig sa isang ahente na nakatira sa Trozo

Ngunit agad siyang nabalo sa gulang na lalabing walo

May’rong anak sa pangangalaga kaya’t nagsikap pang lalo.

Pinag-igihan at nagsikap sa pag-aaral ng musika

At gayun din nga naman ang husay niya pagdating sa drama

Lumuwas ng Maynila para sa palabas na “Minda Mora”

Nagkaroon ng lakas ng loob at sa sarili’y nagtiwala.

Nagtuloy-tuloy ang pagsikat nya sa larangan ng teatro

Nakikita’t napakikinggan ng libo-libong mga tao

Ngunit nawala  sa entablado’t nakitang nagdedeliryo

At ikinalungkot ang pagpanaw kinagabihan ng Marso.

Siya ay walang kaparis at talaga ngang kahanga-hanga

Marapat na siya ay tawaging “Nightingale ng Zarzuela”

Ang pangalan niya ay Maria Evangelista Carpena

Na nagbigay ng karangalan at pagpupugay sa ‘ting bansa.

Source: www.himig.com.ph/features/22-maria-carpena